主页 > 创意电子 >以色列之旅 圣墓大教堂

以色列之旅 圣墓大教堂

归属:创意电子 日期: 2020-06-17 作者: 热度: 647℃ 620喜欢

虽然只係去左三曰两夜, 但行程实在太丰富, 耶路撒冷古城,新城,耶稣钉十字架, 停尸, 和墓地, 还有苦路, 哭墙,三教圣地,最后晚餐地方, 阿伯拉罕祭神之地, 穆罕默德昇天地, 圣母昇天地方,伯利恒城,耶稣出生地, 最古老城市耶利哥城, 死海,阿拉法墓, 地中海, 罗马古海港凯撒利亚, 特拉维夫等等…..

虽然只係旅行相, 但今次旅程令我对耶稣加深认识, 成个旅程比较沉重, 因为耶稣开始传道的三年里, 面对着出卖, 背叛, 痛苦, 死亡 但哀莫大于心死, 耶稣对着耶路撒冷城的哭泣, 我感受到了。 所以我整辑 照片都用上比较低光去拍摄, 配合我沉重的心情。

如果直飞以色列, 香港得一班机係以色列航空, 到以色列时间係上午03:00 其实最好就直接去耶路撒冷探耶稣, 因为晨咁早无乜人, 呢张相係耶路撒冷新城区街景。

新城区满街都是艺术品, 好似呢件咁, 又几似我地个毛主席。

係以色列要小心安排曰子, 佢地星期五六唔做野架

一条马路之隔, 右边就係新城区, 左边就係古城区, 古城区坐塔就係大卫塔, 即係记念大卫王的塔, 对犹太人黎讲都几重要的。

古城区内非常之有气氛

古城区内既路, 用既石, 已经用左千几年, 果两条车轧係比马车行的, 而家都无lu

入到古城行无几远, 就搵到呢所圣墓大教堂, 係今次以色列之旅最重要既地方, 由钉十字架到耶稣之墓都係哂里面

睇黎犹太人应该都几钟意猫, 呢度d 猫周围走, 又唔怕人, 仲几肥美添

係圣墓大教堂里面, 第一个景点, 就係耶稣被钉十字架既地方, 当然, 当年只係烂地一块, 经过人类2000年来既搞作, 而家非常豪华 但在洞入面係可以摸到一个石洞, 耶稣个十字架就係插係呢度架喇

呢个就係耶稣之墓, 我地细个睇圣经, 耶稣明明係葬係个山洞度, 点解而家咁靓 ? 又係果句啦, 经历左2000年, 几多亿人去拜耶稣呀, 乜洞都无啦, 所以係耶稣个圣棺就放左係里面… 不过我无机会入去了… 可惜

而呢个係圣墓既后面, 你会发现圣墓係有两个人口, 无错, 两个都係入口, 要係入口都出返黎, 两个係唔互通的, 前门係比好多大教派共用,包括 东正教, 天主教, 阿美尼亚国教等等, 而后门就比埃及和埃塞俄比亚国教用…. 係咪好奇怪呢? 其实圣墓大教堂係分比好多个教会用,当中当然係无新教(基督教)啦

呢块石, 放在係钉十字架和圣墓之间, 相传耶稣死后, 就係放係呢度洁净的

呢幅画说明左圣墓大教堂三个重要的圣物

由于教派众多, 所以教堂里面有好多唔同大小的分堂

向来建造教堂的都是艺术家, 他们很会用光, 摄影师们係教堂不难摄取靓光

有一个说法话阿当就係葬係呢度喎… 但无証据的

最后比大家睇 多张圣墓正面啦, 係呀右边既人係排队入去圣棺前祷告

到离开时, 已经天光了, 大家记得我是三点落机吗? 已经係上午7点了~

係时候食个早点, 好硬, 几难啃的包~

由于影左太多相, 拍大家load 得耐, 所以今次以色列之旅会分几辑出相

由于唔想洗版,所以po 埋其它2篇条link 出黎

以色列巴勒斯坦神圣战地之旅 (中) 苦路 哭墙 主泣 圣殿山

以色列巴勒斯坦神圣战地之旅 (下) 伯利恒,死海

 

我的摄影教学blog: http://www.hkzooo.com

感谢给我一个like : http://www.facebook.com/hkzoo